WETWORK

Beth yw XHTML?

HTML yw'r lingua franca ar gyfer cyhoeddi testun ar y we. Gallwch ei greu a'i brosesu gan rywbeth mor syml â golygydd testun fel Notepad. Mae HTML yn defnyddio tagiau fel <h1> ac </h1> i osod testun mewn i benawdau, paragraffau, rhestri, dolenni ayyb.

Mae XHTML (eXtensible HyperText Markup Language) yn deulu o fathau o ddogfennau a modiwlau sy'n ymestyn HTML, trwy XML. Mae sawl blas o XHTML, ond yr un mwyaf poblogaidd efallai ar hyn o bryd yw XHTML Transitional 1.0, a felly dyma'r un byddaf yn defnyddio trwy'r holl enghreifftiau.

Rhai eraill sy'n bodoli yw, Strict 1.0, Frameset 1.0, XHTML 1.1 ac XHTML 2.0.

Sut ydy HTML ac XHTML yn wahanol?

I fod yn hollol onest, nid oes cymaint â hynny'n wahanol ar gyfer defnydd sylfaenol. Y prif gwahaniaethau fel rydw i'n eu gweld yw'r canlynol:

• Mae angen newid hen dagiau sengl i dagiau hunan-gloi, e.e. <br> i <br />, <hr> i <hr />, <input ...> i <input ... />, <img ...> i <img ... />.
• Mae angen newid pob tag llythrennau mawrion i lythrennau bychain, e.e. <P> i <p>, <TABLE> i <table>.
• Mae angen trefn taclus i dagiau, e.e. o'r blaen roedd hwn yn bosib, <p><span> ... </p></span>. Nid nawr, mae'n rhaid ffurfio XHTML yn hollol gywir: <p><span> ... </span></p>
• Mae angen gosod gwerthoedd mewn dyfynodau, e.e. <td rowspan = 3> yn gorfod cael ei osod fel <td rowspan = "3">.